МЭНДЧИЛГЭЭ

Нийслэлийн ерөнхий боловсролын лаборатори “БОЛОВСРОЛ” цогцолбор сургуулийн үйл ажиллагаатай танилцахыг зорьж энэхүү хуудсанд зочилж буй таньд энэ өдрийн мэнд хүргэе. Боловсролын шинэчлэлийн хөтөлбөрийг хэрэгжүүлэхэд манай хамт олон бусад сургуулиудад түшиц болон ажиллаж, туршлагаа түгээн дэлгэрүүлэх ажлыг амжилттай хийж хэрэгжүүлсээр 40 жилийн түүхийг бүтээжээ. Дэлхийн хөгжлийн чиг хандлагаас хоцролгүй цаг үетэйгээ хөл нийлүүлж улс орноо хөгжүүлэх гол хүч, монгол улсын ирээдүй, шинэ үеийн монгол иргэдийг бий болгон төлөвшүүлэх, үүний тулд сургалтыг чанаржуулах, багшийг хөгжүүлэх, сургуулиа нийгэм цаг үеийн шаардлага эрэлт хэрэгцээнд нийцэхүйц жишиг сургууль болгох эрхэм зорилго дэвшүүлэн ажиллаж байна. Боловсрол цогцолбор сургууль хүүхдэд ээлтэй сургалтын таатай орчин бүрдүүлж, сургуулийн амьдралд эцэг эхчүүдийг татан оролцуулж хамтран ажиллахын зэрэгцээ ямагт багш, сурагчдын хөгжил, хүүхдийн төлөвшилд анхаарч чармайн ажиллах болно. Манай сургууль багш нарт итгэж, хүүхдээ хөтлөн ирдэг эцэг эхчүүд, сургуулийн бахархал нэрийн хуудас болж байдаг нийт төгсөгчид, сургуулийн ажилд үргэлж хувь нэмрээ оруулж дэмжиж тусалдаг яам,нийслэл, дүүргийн удирдлага бусад гадаад дотоодын түнш байгууллагууддаа талархал илэрхийлэхийн зэрэгцээ нийт багш сурагчиддаа эрүүл энх байж, эрч хүчтэй, амжилт бүтээлээр дүүрэн байхын ерөөл дэвшүүлье!