ХӨЛ БӨМБӨГИЙН СУРГАГЧ БАГШ БЭЛТГЭХ СУРГАЛТ БОЛЛОО

Монголын хөл бөмбөгийн холбоо /МХБХ/-оос хөл бөмбөгийг хөгжүүлэх ажлын хүрээнд “Грассрүүтс” хөл бөмбөгийн сургагч багш бэлтгэх сургалтыг зохион байгууллаа. Сургалтыг МХБХ-ны багш дасгалжуулагч С.Ундрахбат, Л.Наранбаатар нар удирдан явуулсан бөгөөд 09-р сарын 02–05-ны хооронд 3 хоног боллоо. Сургалт онол, практик хосолсон бөгөөд дүүргийн нийт 20 багш оролцож, хөл бөмбөгийн сургалтын анхан шатны мэдлэгтэй болж, бага наадам зохион байгуулах ур чадварт суралцсан юм. Сургалтын нээлтэд дүүргийн Засаг дарга С.Даваасүрэн, Багануур ХК-ний захирал Д.Түвшинжаргал нар оролцож, дүүргийн хүүхэд багачуудад хөл бөмбөгийн спортыг зааж, хөгжүүлэхэд дэмжиж байгаа МХБХ-нд талархал илэрхийлж, цаашдын үйл ажиллагаанд нь амжилт хүссэн юм.