Дүүргийн Засаг даргын нэрэмжит цэрэг-спортын “Дөл-2024” цогцолбор тэмцээн ЕБС-иудын ахлах ангийн сурагчдын дунд амжилттай зохион байгуулагдаж өндөрлөлөө.
Энэхүү тэмцээнийг Монгол улсын Засгийн газрын 2019 оны 200 дугаар тогтоолоор баталсан “Хүүхэд,залуучуудад эх оронч үзэл төлөвшүүлэх” үндэсний хөтөлбөр, МУ-ын Ерөнхийлөгчийн Тамгын газар, Монгол цэргийн нэгдсэн холбооноос санаачилсан “Бидний бахархал” төслийн арга хэмжээний хүрээнд дүүргийн Засаг даргын нэрэмжит болгон зохион байгуулж байгаагаараа онцлогтой.
Цэрэг-спортын “Дөл-2024” тэмцээн гарааны өмнөх ажиллагаа, жагсаалын үзүүлэх тоглолт, гардан тулаан, эмнэлгийн норматив, химийн норматив, гранат, буухиа гэсэн төрлүүдээр өрсөлдөж шилдгүүдээ шалгарууллаа. Боловсрол сургуулийн А.Эрхэмбаяр захирагчтай “Соёмбо-5” тасаг 42 оноогоор 1-р байранд, М.Энх-Амгалан захирагчтай “Дөл-2” тасаг 34.2 оноогоор 3-р байранд тус тус шалгарч, Тэргүүний тасгийн захирагчаар Боловсрол сургуулийн “Соёмбо-5” тасгийн захирагч А.Эрхэмбаяр шалгарлаа.
Энэ жилийн цогцолбор тэмцээний үеэр шилжин явах цомыг гардуулсан нь онцлог байлаа.
Тэргүүн байр эзэлсэн Боловсрол сургуулийн А.Эрхэмбаяр захирагчтай “Соёмбо-5” тасаг Нийслэлийн Засаг даргын нэрэмжит Нийслэлийн аварга шалгаруулах “Дөл-2024” тэмцээнд оролцоно. Тус тэмцээн 2024 оны 04 сарын 19-ний өдөр Улаанбаатар хотод зохион байгуулагдана.
Нийт тасгийн гишүүдэд болон бэлтгэсэн багш Т.Ганболд, Т.Отгонбаатар нартаа баяр баяр хүргэж Нийслэлийн тэмцээнд нь амжилт хүсье.
![](http://www.bolovsrolts.edu.mn/wp-content/uploads/2024/04/435391226_832478732250305_1469209524196339866_n-735x490.jpg)
![](http://www.bolovsrolts.edu.mn/wp-content/uploads/2024/04/435250889_832479378916907_2540640712943168129_n-735x490.jpg)
![](http://www.bolovsrolts.edu.mn/wp-content/uploads/2024/04/420515345_832479508916894_7162022302031397915_n-735x490.jpg)
![](http://www.bolovsrolts.edu.mn/wp-content/uploads/2024/04/435246918_832478905583621_3990572300962727576_n-735x490.jpg)
![](https://www.bolovsrolts.edu.mn/wp-content/uploads/2024/04/433746279_1023696809193292_4285991470225960476_n-735x490.jpg)
![](https://www.bolovsrolts.edu.mn/wp-content/uploads/2024/04/435233440_786712946318212_4776886038782031171_n-735x490.jpg)